《JOJO的奇妙冒險》作者荒木飛呂彥都出晒名係時尚達人，合作過嘅品牌不計其數，由High Fashion嘅Gucci、Balenciaga到潮牌Converse、XARGE都有，今次既最新聯乖係同內衣品牌BRADELIS New York推出以空條徐倫為設計主題嘅內衣！
徐倫最經典造型，大家應該會諗起衫上面既蜘蛛網紋同胸前心形蝴蝶飾物，設計師都將呢個特色呈現喺整套內衣上，底色拼接格紋布料加蕾絲，整體做出蜘蛛網嘅視覺效果。心形蝴蝶做成布章。除左出現喺上衣可拆卸Choker亦都出現喺小褲褲背面。
肩帶上面亦都有Joestar家族既星星小細節 (調整肩帶可以令到粒星星去到同徐倫背面同一個位置架！)，設計充滿徐倫既元素，連條吊襪帶都令人諗起經典造型的上衣同長褲連接部份。成個系列有深綠、橙同黑三隻色，不過最有「空條徐倫」既視感應該一定係深綠色。
呢個系列上衣8,800日圓，內褲同吊襪帶分別4,400日圓，官網已經開放預購。買齊一套大概18,000日圓，唔知有幾多JoJo女Fans會買呢？不過男Fans應該都可以買黎送比女朋友 / 收藏既….
官方網站: https://www.bradelis.shop/f/jojo
