同生爸佳一齊試機！
內置電環繞聲喇叭、4個向上發聲聲道、10吋強力重低音
公司化身Gadget會客室，搵到生爸佳同我哋一齊試JBL BAR 1000。
生爸佳都有經營YouTube頻道「soundbar guy 生爸佳」，第一條soundbar片就係JBL 9.1，搵佢講JBL BAR 1000當然啱晒！
JBL BAR 1000 設計真係好啱香港人，兩個環繞聲喇叭有內置電，唔使插電線都可以連到。加埋佢聲道規格以萬多元價值嚟講相當齊全，soundbar加環繞聲喇叭有4個向上聲道，水平聲道亦比JBL 9.1多咗2個，總共7個。
加埋10吋重低音喇叭組成7.1.4聲道組合，對應目前流行的Dolby Atmos、DTS:X 環繞聲音效。其餘比JBL9.1升級包括app可以調校EQ，HDMI插頭亦增加至3組input、1組e-ARC。
到真係聽落，聲音表現都有好表現，低音真係有料，生爸佳亦覺得比起9.1有更高密度，包圍感有提升。坦白講，JBL BAR 1000無線設計好突出，再加埋齊整既7.1.4聲道，可以講得上未搵到明顯缺點。
要留意的地方可能就係要成套買，冇得慢慢升級，環繞聲喇叭一定要駁住用，唔可以單獨做一隻喇叭。如果你係諗住搵套soundbar組合玩Dolby Vision或者DTS:X，JBL BAR 1000真係值得留意。
#jbl #jblbar1000 #soundbar #dolbyatmos #dts #speaker #喇叭 #生爸佳 #gadgetgang