新Apple Watch 更大更硬充電更 快秋季推出
雖然今次Apple發佈會有例牌做主角的iPhone 13系列同黑馬iPad mini搶晒鏡，但唔好唔記得仲有Apple Watch Series 7！全新設計的新錶，外型再有小變動，唔少功能都有提升，而家就同大家快睇新Apple Watch 八大新升級功能。
屏幕比上代大20%
新錶邊框則收窄至1.7mm，令屏佔比更高，加上屏幕顯示部份伸延至玻璃曲面，令整個屏幕區域增加近20%，同時亦當然有推出新的相應新錶面配合新設計。
更堅硬錶面
發佈會中多次強調今次新錶更強的耐用性，Apple Watch Series 7的錶面玻璃比上代厚50%，更強更堅硬。IP6X防塵：除了錶面玻璃更堅硬，新錶亦首次加入IP6X的防塵功能，加上保持原有的50米的防水等級，上山下海都唔怕。
快滑功能QWERTY 鍵盤
受惠於更大的錶面，新錶亦加入兩款更大的字體及全新的 QWERTY 鍵盤，更可利用「快滑」功能打字，在Apple Watch上打字變得更易。
充電更快
新錶換上新的USB-C充電線，充電比上代快33%，快充8分鐘已可用8小時睡眠時間。全新顏色：每次新Apple Watch都例牌有新色，今次也不例外，充滿軍事味的墨綠色相信會令不少男士心心眼，另外藍色亦變成淺色調，還有由金銀色調配成的星光色，選擇更多。
更光亮常亮錶面
之前已有的常亮錶面，在今代提升了亮度，在室內環境下充比上代光70%。新錶尺寸：今次新錶換上稍大一點的41mm及45mm錶殼，但舊錶帶可以通用，舊用家可放心。
雖然有8大新功能有一定吸引力，但今次有關健康的功能並未有明顯提升。另外，亦有消息指，今次新錶未有用上新核心，只源用上代核心，雖然智能錶對運算能力要求不用太高，但也不免會令人有一點失望。新Apple Watch Series 7暫時未有香港定價，亦是今次發佈會唯一未有正式發售日期的產品，只預計在秋季推出，不過Apple網頁已有相關介紹，有興趣入手的可以先了解一下。