近排有人發現 Apple嘅瀏覽器 Safari，喺最近嘅 iOS、iPadOS 及 macOS update 後會自動將香港地區嘅用戶，跟隨中國用戶，改用騰訊網站認證服務，過濾有問題網站。
GadgetGang當然有了解吓呢件事，亦問過網絡安全專家，而首先要講嘅係，今次更新係指香港用戶用Safari時，會利用騰訊嘅資料庫去檢查網站是否安全，而更新前就係用Google嘅資料庫咁解。而大家暫時亦未駛太擔心，因為 Safari 只係用騰訊嘅資料庫資料作參考，去過濾問題網站，而唔係會經騰訊伺服器先去到網站，所以唔代表我地要翻牆先睇到一啲特別網站。簡單啲可以咁講，只係一啲「唔安全」網站嘅資料來源唔同咗啫。
而卡巴斯基嘅網絡安全專家就亦同我哋解釋過，想避免 Safari 經騰訊嘅資料庫過濾網站，最簡單就梗係唔用Saferi 用其他瀏覽器，例如 Chrome。另外，就算用 Saferi，只要「設定」->「Safari」->關閉「詐騙網站警告」功能，理論上就已經唔會再經騰訊嘅資料庫過濾網站，不過當然自己上網就要小心啲啲喇。
另外，好多人都有用嘅 VPN（我哋之前都介紹過NordVPN），又甚至係將 AppleID嘅地區轉到其他地區，都係可行嘅方法。所以大家睇到呢類消息時，都要自己了解同過濾多啲，唔駛過份擔心，真係擔心嘅話，相信亦會有唔少解決方法嘅~
#Apple #safari #騰訊 #Tencent #iOS #iPadOS #iPhone #iPad #GG #gadget #GadgetGang
==========================
我地開咗Patreon喇！