今集科技新G繼續有Winky及Cheryl報道最新的科技資訊，內容有實試Denon醫療技術注入新耳機、XBOX Series 2 Core 手掣，AI 網站免費潮玩Barbie風個人相，尖沙咀體驗亞洲首見B&W30周年版鸚鵡螺喇叭、Samsung中環夏日體驗館，以及Google清理無人帳號、YouTube Premium 香港加價。
市面上都有耳機具備簡單的健康功能，Denon近期推出PerL及PerL Pro兩款耳機，均加入了Masimo自適應聲學技術，可以自主測量同適應用家的聽覺，用法好簡單，只要用專用APP連接，經過簡單且全自動嘅測量，就會定制出個人專屬聽覺設定。Pro與普通版外形及聲音上都好相近，特別在支援自適應ANC主動降噪、aptX Lossless 同空間音效，降噪效果不錯。PerL Pro $2,780、PerL $1,580，如果只係想體驗Masimo自適應聲學技術的話，普通版較化算，但如果高要求用家，當然要選擇PerL Pro。
香港好多科技發明好厲害又有趣，今集新G介紹無創血糖監測智能錶及有跌倒偵測、智能感光等功能的「智能優杖」。智能錶的無創葡萄糖監測，只需簡單按著錶上嘅監測位，短時間就可以測到血糖，亦可以做到連續性血糖監察。雖然我暫時未考證其準確度，但相信對有需要人士來說有一定參考作用。另外「智能優杖」就有跌倒偵測，可通知屋企人 GPS位置及智能感光等簡單又實用嘅功能，更細心到手柄可發熱暖手。
如果對音響稍有認識，應該會認識英國著名音響品牌B&W的鸚鵡螺喇叭，它是B&W於1993年推出，一直是品牌代表嘅標誌性產，為慶祝B&W30周年，全球唯一的珍珠白漆面紀念版鸚鵡螺喇叭在尖沙咀海洋中心的體驗店展出，有獨特嘅反光質感，絕對是珍貴的非賣品，全球展出後就會運回英國總公司。另外，B&W 體驗店內除咗有唔同嘅音響產品睇同試聽外，利用相應嘅AR APP，在店內唔同位置就會出現AR短片，又或者相關嘅產品資訊，都算是創新的體驗。
XBOX早前推出的Elite系列手掣備受機迷歡迎，另有個簡單版的Elite Series 2 Core。近日就推出咗紅色同藍色版。Elite主打高質素靚料之外，仲有好多定制小配件，Series 2 Core除去配件，基本主體相同，例如背面沒有按板掣、減少搖桿配件，但可另外購買配件包裝上。Series 2 Core一樣有搖桿調整工具，可以調節搖桿既靈敏度，機背可以設定rt掣既深淺靈敏度，另外也可以設定3個設定檔。Elite Series 2 Core 手掣紅藍版已經開始發售，售價HK$999，比Elite Series 2便宜了HK$300。
Barbie電影大熱，除了當中的角色造型、語錄，好多人都藉住呢股熱潮整翻張Barbie風的人像相片，介紹大家一個AI網站，可免費製作Barbie或Ken的風格個人照。
5月份曾報道過Google將會於12月1日會清除閒置的Gmail Account ，今個星期官方再向不活躍帳戶發email提醒。如果想避免閒置帳戶被移除，就要在過去2年間曾做過以下動作，包括：讀取或傳送電子郵件、使用Google Drive、觀看YouTube影片、分享相片、下載應用程式、使用Google搜尋等，所以大家如果有啲閒置的Google account 又想繼續保留，就要趕快行動。
另外 香港YouTube Premium 的月費價格也正式上調，最新的個人價格由每月HK$68加至HK$78；可以最多 5 人分享的家庭方案，足足由每月HK$98 加至HK$138，學生方案也調整了10元至 HK$48。音樂串流的 YouTube Music Premium也同步加價，最新的個人價格是加價5元至每月HK$63，最多 5 人分享的家庭方案就要每月 HK$98，學生方案HK$33，兩者仍提供新用戶一個月試用期。
Samsung新摺機 Z Fold5 同 Z Flip5於香港隨韓國發佈會即時預售，即日至9月3日更在中環專門店開設限定夏日體驗館，讓公眾試玩新機。場內有齊Watch6系列同Tab S9系列試玩，體驗館舉行其間亦會舉行唔同嘅工作坊，包括新機應用、紙藝，甚至打印Tote Bag、編纖電話繩、電話袋等等。另外店內亦有本地品牌創作的「Flippermint」及「Foldablue」雪糕。
#gadgetgang #gadgets #gg #科技新聞 #科技新G #Samsung #ZFold5 #ZFlip5 #YouTubePremium #鸚鵡螺喇叭 #Barbie風格個人照 #Denon #XboxEliteSeries2Core