又到《科技新G》時間，今個星期到 Winky 同大家講吓最新 科技同生活資訊！
有阿聰實試De’Longhi最新全自動即磨咖啡機Eletta Explore，部機除咗可沖多款熱咖啡外，最大賣點是用3分鐘整岀一杯cold brew冷萃咖啡，仲要連凍奶泡都可以整到，可以做出唔同類型嘅凍咖啡，啱晒夏天用！
Dyson前排一次過發佈了多部新機，上星期我哋就睇過新嘅乾濕兩用拖頭，今個星期我哋又會再睇吓佢哋一部新嘅巨型空氣清新機Dyson Purifier Big+Quiet Formaldehyde。呢部空氣清新機運用咗全新錐形氣流聚合技術，廠方就話佢可以有效淨化高達1000呎嘅空間，最高有10米送風效能，調校1至10級風力，亦可選0度、25度或者50度嘅角度放送出淨化空氣，部機仲要都幾靜下添！
時下好多產品都講沉浸式，Google都唔例外，在Google Maps推出沉浸式實景，陸續為全球逾50 個地標加入沉浸式實景圖。點擊頁面「沉浸式實景」的字眼後畫面會即時串流3D影片，用戶可以圍繞地標四周，從不同角度查看地標。另外，有時間滑標（Time slider）控制，查看一天中不同時間的天氣情況，甚至目的地的擠擁程度，幫助用家計劃最佳的到訪時間。實試效果幾特別，好似自行用航拍查看建築物，但未至於有沉浸式的包圍感。
幾日前Nintendo Direct一口氣公佈咗多款新Game，當中多為任天堂自家作品，新作包括《名偵探Pikachu 閃電回歸》、《Super Mario Bros. Wonder》、《WarioWare: Move It!》、《Pikmin 4》和一款Peach公當主角的眼險遊戲。另外，亦有一些重製或畫質提升作品，例如《Super Mario RPG》《Luigi’s Mansion 2》、《Pikmin 1+2》和《Metal Gear Solid Master Colle ction vol. 1》等。部份作品現已在Nintendo eshop上架或接受預訂。
喺朗豪坊嘅Tamashii Spot轉咗新位置，新舖喺前幾日開張 由一間舖變兩間舖，一間做展示，一間賣野。大舖展示各系列的玩具，包括Metal Build、超合金、SHF、Robot魂等等，亦有展示即將推出和最新推出的玩具。細舖是販售玩具，有不同類型新舊玩具。