潮濕100%濕度唔駛怕 | 實測日本製三菱電機抽濕機

日本製空氣淨化多功能模式抽30分鐘80%濕度變40%

香港春天嘅潮濕程度唔講得笑就係人都知，好似近日又接近100%濕度，真係好需要一部抽濕機。而今次實測嘅就係三菱電機嘅抽濕機，雖然抽濕機最重要係抽濕功能，但佢就有個首要賣點，就係「Made in Japan」！大家都知，好多人對日本都總係有情意結，日本製造係有D質素保證嘅感覺，所以三菱電機抽濕機未實試就已經先贏個印象。

今次主要實測嘅係 MJ-E130AL-H 同 MJ-EV230HR-H，兩部機除咗抽濕之外，亦同時可以做埋空氣淨化，唔抽濕都可以淨化室內空氣，咁就可以一年365日都用到！比較細部嘅MJ-E130AL-H，用嘅係銀離子濾網，可有助阻隔花粉同灰塵，一般家居環境都好夠用。更重要嘅係呢款濾網可以清洗，正常情況下，濾網可循環使用2年。至於抽濕效能方面，我哋就喺一個 2m x 2.3m x 2m嘅廁所，用強力模式抽濕30分鐘，結果廁所內嘅濕度就由原本嘅80%下降至47%，抽濕力相當唔錯。

根據廠方標準，MJ-E130AL-H 嘅抽濕能力達到每日22.5公升，以佢嘅機身大細嚟講都算係相當唔錯，而呢個型號本身就有8個模式可以揀，包括簡易抽濕、自行設定濕度、強、弱、浴室防霉、智能乾衣、夜間乾衣以及空氣淨化。其中設定濕度就可以揀選50%至70%，雖然天氣潮濕係好煩，但有時抽得太乾又唔係咁好，特別係貪靚嘅女士們最怕皮膚變乾，可以設定濕度就唔怕抽得太乾，呢個功能真係必需的！

相信好多人買抽濕機其中一個原因都係用嚟乾衣，而 MJ-E130AL-H 嘅智能乾衣模式就可以透過感應房間濕度，估計衣物嘅乾燥時間，控制風量同時識得自動停機，環保又慳電。而夜間乾衣模式就唔怕運行時太大聲嘈住你訓覺，比較適合晚間使用。另外，呢部機可以做到唔同角度送風，例如廣角、向上、向後，而佢最特別之處就係前方亦有個送風板，做到向下送風，可以針對地氈同地板抽濕，用嚟乾鞋亦相當方便。而且仲有浴室防霉模式可以抽走浴室嘅濕氣，有助抑制霉菌生長，冇窗嘅「黑廁」就特別啱用喇！

最特別之處就係前方亦有個送風板，做到向下送風，可以針對地氈同地板抽濕，用嚟乾鞋亦相當方便。

實測喺一個 2m x 2.3m x 2m嘅廁所，用強力模式抽濕30分鐘，結果廁所內嘅濕度就由原本嘅80%下降至47%，抽濕力相當唔錯。

成日都同大家講，抽濕機同冷氣機一樣，可以參考空間大細嚟決定揀幾勁嘅抽濕機。如果你間屋係比較大嘅話，三菱電機嘅 MJ-EV230HR-H 就可能比較適合你。同樣係 Made In Japan，但就有更大更強嘅抽濕力，根據廠方標準，每日可以抽到38公升，而呢款係變頻型號，水箱容量亦足足有5.5公升，至於其他功能就大致上同之前講嘅MJ-E130AL-H 一樣。

根據廠方標準，MJ-EV230HR-H 每日可以抽到38公升，而呢款係變頻型號，水箱容量亦足足有5.5公升。

我哋喺同一個 2m x 2.3m x 2m嘅廁所，同樣用強力模式抽濕30分鐘，結果廁所內嘅濕度就由原本嘅80%下降至40%，抽濕力明顯更強。而除咗實測效能更強之外，MJ-EV230HR-H 同樣設有連續排水功能，只要喺機背直接連上水管，就可以一直經水管排水，唔怕水箱滿水而自動停機。

實測喺同一個 2m x 2.3m x 2m嘅廁所，同樣用強力模式抽濕30分鐘，結果廁所內嘅濕度就由原本嘅80%下降至40%，抽濕力明顯更強。

MJ-EV230HR-H 更設有高效1+2抽濕系統，即係喺原有嘅冷凝器同蒸發器上，再加多一個副冷凝器，並加設旁通風路，可以大幅提升進氣風量，做到加強抽濕效能同時，又可以更加慳電。另外，之前介紹嘅MJ-E130AL-H 就係用銀離子濾網，而呢一部就更勁，配備PM2.5過濾網，除咗可以過濾之前講嘅花粉同灰塵，更可以同時有助去除PM2.5懸浮粒子，減少異味，抑制細菌及塵蟎過敏原，淨化空氣嘅功能更強。佢仲有一個細心位，就係喺機背設有電線收納箱，可以好整齊咁收起電線。