Beats Fit Pro行貨到！GadgetGang即刻幫大家做個開箱實測，舒適度更勝AirPods Pro，而且聽最新廣東歌空間音訊專區勁好聲添！
AirPods Pro 2遲遲未推出，不過上年尾同屬Apple旗下的Beats Fit Pro就搶先在外國開賣，入耳式設計、主動降噪，再加上支援空間音訊，即時被大家視為新AirPod Pro的最佳代替品。而這款「AirPods Pro 1.5」剛剛就終於有行貨到港，等唔切AirPods Pro 2的人大可考慮入手！
其實早在上年尾唔少人都對Beats Fit Pro相當期待，事關佢除咗有一貫Beats的靚仔外型設計兼多色選擇外，更和AirPods系列一樣，設有H1晶片能極方便兼穩定地連接各個Apple裝置，亦有很不錯的續航力。
舒適度高卻配戴極穩定
作為為運動而設的Beats Fit Pro，除了入耳式設計外，亦設有更幫忙穩定配戴的耳翼，實試配戴相當錄適。雖然有而家冇得打波，但亦試過戴住跑步及做跳躍動作，亦能完全保持穩定，穩定性相當不錯。
空間音訊音色大提升 Apple Music最佳組合
新機支援空間音訊 spatial audio亦是賣點之一，唔知係咁啱定係夾過，Apple Music亦同時推出了 全新「空間音訊專區:C-Pop」歌單，把所有設有空間音訊的廣東歌大集合，大熱歌手歌曲，好似MC 張天賦《記憶棉》、Serrini《長期浪漫ゲーム》、衛蘭《It’s OK To Be Sad》等等都有收錄，用新機嚟聽就適合不過。實試感覺亦能保持AirPods Pro的感覺，空間感和包圍感明顯比一般模式突出，甚至有感音質亦有所提升，分析能力亦更高，能更清楚聽出不同樂器和人聲。正如AirPods 3和AirPods Pro，相信Apple Music的空間音訊是最佳配合，唔用的話真係有啲浪費咗Beats Fit Pro的功能。
另外一提是，除了「空間音訊專區:C-Pop」歌單，Apple Music更相當識玩地請來黎明特別親自揀選「農曆新年歌單」，讓大家隨時重溫 Leon 心水好歌，而徐佳瑩、吳建豪、許光漢、王嘉爾、等音樂人亦各自獻出「農曆新年歌單」，讓大家在新年聽好歌。
降噪效果與AirPods Pro相近
Beats Fit Pro和AirPods Pro同樣是入耳式加主動降噪，個人感覺兩者降噪效果相當接近，能阻隔大部份外來噪音之餘，亦不會有過份的「壓耳」感覺，算係幾舒服。不過正如之前一直所講，本身入耳式設計其實都有唔錯隔音效果，個人嚟講除非真係好嘈，否則都未必一定要開。另外，新機亦當然設有跟AirPods Pro一樣的通透模式，方便聽歌時也能聽到外來聲音。
H1晶片功能齊全 6小時使用時間贏AirPods Pro
配備H1晶片的Beats Fit Pro，基本上有齊AirPods Pro的功能，簡易自動配對，裝置間隨時切換使用、分享音訊、Siri、尋找等等功能通通有齊。而H1晶片亦有助控制電池消耗，在Beats Fit Pro亦有明顯優勢，在開啟降噪功能下仍有6個鐘使用間，比AirPods Pro的4.5個鐘，多1.5小時！而Beats Fit Pro的充電盒就另有18小時電力，加起來24小時，就同AirPods Pro的總使用時間一樣。
隨機耳膠較少 未支援無線充電
雖然好多功能都相當唔錯，不過Beats Fit Pro都有少少缺點，第一就是隨機耳膠只有3對，雖然個人就啱戴嘅，但對於一些未必係「大眾耳」，又或是要求貼耳度較高的人，3對耳膠就未必能找到完全合適的一對。
另外，新機亦不如AirPods Pro（新版）或AirPods 3般支援MagSafe或普通無線充電，只能以USB-C充電，雖然唔係必要功能，但對新型號嚟講，又好似少緊啲嘢。
另外，個人亦覺得，Beats Fit Pro外型比AirPods Pro稍稍偏大，戴上耳冇AirPods系列咁簡約有型，不過這純粹係個人感覺，唔係大問題。而喺AirPods Pro 2未出的情況下，功能齊全，配戴又相當舒適的Beats Fit Pro，售價$1,749，都算係幾抵玩，不妨買番隻新耳機迎新年。
