Logitech G502可以話係mouse經典之作，新推出的升級版G502X系列都有唔少改良，今次就同大家實試G502X PLUS。
G502X PLUS 用咗全新 LIGHTFORCE 光學、機械微動開關，今次條片都會講講咩係滑鼠微動，光學、機械微動又有乜分別。理論上光學微動反應會比較快，而且機械微動係會有接片反彈跳問題，靠程式修正，當用得耐出問題時，就會變成double click問題，光學係真係應該會耐用一點。
LIGHTFORCE 開關觸發方式係光學，以上優點會有，但就保留了彈簧片等機械設計，按鍵手感和聲音都會偏機械感。實試按鍵手感偏硬，聲音清脆，好確實知道幾時觸發按鍵，屬於遊戲迷會喜歡的手感。
另外按鍵亦比舊版G502大，好撳咗，外型亦更流線型，G502X PLUS 仲有RGB燈效，微動、外型、手感都有所提升。只係過往G502係中階電競mouse，G502X系列定價算係高階，睇下你想搵咩價位mouse啦，如果想搵隻打機、做嘢都得，又有高階性能的話，G502X PLUS值得考慮。
#g502 #logitech #gamingmouse #mouse #g502xplus #dpi #gadgetgang #科技 #滑鼠